"Хөдөөгийн тээвэр", "Материалимпекс"-ийн хувьцааны ханш өсөв

Монголын мэдээ | Эдийн Засаг
192@montsame.mn
2019-12-11 17:30:33

Улаанбаатар /МОНЦАМЭ/. Монголын Хөрөнгийн биржид өнөөдөр, 12 дугаар сарын 11-нд I, II, III ангиллын 27 ХК-ийн 69.6 сая төгрөгийн үнийн дүн бүхий 273.422 ширхэг хувьцаа арилжив. Үүнээс 13 ХК-ийн хувьцааны ханш өсөж, 9 ХК-ийн хувьцааны ханш буурсан бол 5 компанийн ханш тогтвортой байлаа. 

Энэ өдөр "Хөдөөгийн тээвэр" (HUT+15.00%) болон "Материалимпекс" ХК (MIE+14.39%)-ийн хувьцааны ханш хамгийн өндөр өсөлттэй байсан бол "Эрдэнэ Ресурс Девелопмент Корпорэйшн" (ERDN-2.81%) болон "Улсын их дэлгүүр" ХК (UID-2.31%)-ийн хувьцаа хамгийн их уналттай байлаа. 

"TOP 20" индекс 0.16 хувиар өсөж, 18982.52 нэгжид хүрсэн бол зах зээлийн үнэлгээ  2.587.807.352.970.86 төгрөг боллоо. Арилжааны дэлгэрэнгүй мэдээллийг Энд дарж үзнэ үү.     

Холбоотой мэдээ