Улаанбаатар
Их аварга Какүрюү 3 унаатай болов
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Мэргэжлийн сумо бөхийн Токио хотноо болж буй Хацү башёгийн 4 дэх өдрийн барилдаанд 71 дэх Их аварга Какүрю М.Ананд, Миёогирюүд унаснаар 3 унаатай боллоо.
Харин өчигдөр Хакүхо аваргыг хаясан Миёогирюү өнөөдөр Какүрюүг давснаар Эндогийн адил 2 аваргыг дараалан хаяж Кинбоши шагналын эзэн болж байна. Монгол бөхчүүдээс өнөөдөр Азүмарюү С.Тодбилэг учраа бөх Котоекиг давж 3 даваа, нэг унаатай болсон бол Кирибаяама Б.Лхагвасүрэн, Токушорюү-д унаж даваа, унаа 2 болж тэнцэв.
Харин Тамаваши Б.Мөнх-Оргил, Митакэүмид ойчиж, тэдний даваа унаа тэнцсэн байна. Энэ өдрийн барилдаанд Такаясү, Шодайд унаснаар 2 даваатай байгаа бол Шодай нэг ч унаагүй явна. Харин 3 даваатай байсан Эндо Такакейшод унаж, тэд адилхан 3 даваа, нэг унаатай болов.
Ганц ч даваа аваагүй байсан Озэки Гойэдо, энэ өдөр Дайэшог давсан бол гурван даваатай явсан Асанояама, Абид унаснаар Аби нэг даваатай болов. Точиношин, хамгийн жижиг биетэй, элдэвтэй сумоч Энхог давж, тэд адил 2 даваатай байна.
Харин 69 дэх Их аварга Хакүхо М.Даваажаргал өнөөдрөөс энэ башёг орхиж байгаагаа зарласан бөгөөд энэ өдөр аваргатай барилдах байсан Хокүтофүжи сул нэг даваа авлаа.
