Цагдаагийн ажилтнууд сургалт, дадлагад хамрагдлаа

Орон нутагт | Дундговь
altantogos888@gmail.com
2020-02-05 17:33:04
altantogos

Дундговь /МОНЦАМЭ/. Дундговь аймгийн Зоонозын өвчин судлалын төвөөс бэлтгэл бэлэн байдлыг хангах, шинэ коронавирусний халдвараас урьдчилан сэргийлэх зорилгоор цагдаагийн ажилтнуудыг чадавхжуулах сургалт зохион байгуулж, 66 алба хаагч оролцжээ.

Цагдаагийн байгууллагын алба хаагчид нь хүн амын аюулгүй, тайван амьдралын төлөө үргэлж тэргүүн шугамд явж байдаг учраас ямар нэг аюул ослоос өөрсдийгөө хамгаалах мэдлэг, ур чадвар зайлшгүй шаардлагатай юм.

Тиймээс Зоонозын өвчин судлалын төвийн эмч, мэргэжилтнүүд  дэлхий дахиныг цочроогоод байгаа шинэ коронавирусний халдвар, түүнээс хэрхэн урьдчилан сэргийлж хамгаалах талаар мэдээлэл өгч, халдварын дэгдэлтийн үед ажиллахад нэг удаагийн хамгаалах хувцас хэрэглэлийг хэрхэн ашиглах талаар танилцуулжээ.

Мөн нэг удаагийн хамгаалах хувцас хэрэглэлийг өмсөж, тайлах дадлага сургуулилт хийсэн байна. 

Холбоотой мэдээ