Улаанбаатар
Герман улс А.Навальный руу нисэх онгоц илгээхэд бэлэн байна
ДЭЛХИЙН МЭДЭЭ | УЛС ТӨР
БЕРЛИН.
/Bild/. ОХУ-ын сөрөг хүчний удирдагч, Авлигатай тэмцэх санг үүсгэн байгуулагч Алексей Навальный руу Герман ойрын хугацаанд нисэх онгоц илгээхэд бэлэн байгаа
тухай хүний эрхийг хамгаалагчид мэдэгджээ.
Томскоос Москва хотын чиглэлд нислэг үйлдэж байсан
онгоцонд Алексей Навальный сууж явсан бөгөөд түүний бие нь муудсаны улмаас
онгоц Омск хотод ослын буулт хийжээ. Энэ тухай Навальныйгийн хэвлэлийн албаны дарга Кира
Ярмыш өмнө нь мэдэгдсэн байна. Үүний дараа Навальныйг түргэн тусламжийн машинаар
эмнэлэгт хүргэжээ. Одоогоор тэрбээр ухаангүй байдалтай байгаа бөгөөд оношийг нь
нарийн тодруулж байна.
Өмнө нь түүнд Францын Төрийн тэргүүн Эмманюэль Макрон, Германы канцлер Ангела Меркел нар эмнэлгийн тусламж үзүүлэхэд бэлэн байгаагаа илэрхийлжээ. Өвчтөнийг Европын хор судлалын төв рүү шилжүүлэхэд шаардлагатай эмнэлгийн бичиг баримтыг бүрдүүлэхэд дэмжлэг үзүүлэхийг Навальныйгийн эмч Анастасия Васильева эрх баригчдаас хүссэн байна.
Омск хотын түргэн тусламжийн эмнэлгийн ерөнхий эмчийн
орлогч Анатолий Калиниченко мэдэгдэхдээ, шинжилгээний дүнд Навальныйгаас цус
харвалт, зүрхний шигдээс юмуу халдварт өвчин түүний дотор коронавирусний шинж тэмдгүүд илрээгүй гэжээ.
