Улаанбаатар
Баянхонгор аймагт салхины үнэмлэхүй хурд 18м/с хүрчээ
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Агаарын үнэмлэхүй их температур 11 дүгээр сард Баянхонгор аймгийн Эхийн гол орчмоор +11.0, бага температур Завхан аймгийн Цэцэн-Уул суманд -25.0 хэм байсныг Үндэсний статистикийн хорооноос мэдээлэв.
Салхины үнэмлэхүй их хурд Баянхонгор аймгийн Баянцагаан сумын нутгаар түр зуур 18 м/с-д хүрч, цасны үнэмлэхүй зузаан Увс аймгийн Баруунтуруун суманд 5 см байлаа.
Цаг уур, орчны шинжилгээний газрын мэдээгээр 11 дүгээр сард орсон хамгийн их хур тунадасны нийлбэр Завхан аймгийн Нөмрөг суманд 1.6 мм-т хүрчээ.
