Хүүхдийн төмөр зам”-аар 20 орчим мянган хүүхэд аялжээ

Монголын мэдээ | НИЙГЭМ
khandmaa@montsame.gov.mn
2021-11-12 09:31:47

Улаанбаатар /МОНЦАМЭ/.  Өнгөрсөн сарын 18-нд нээлтээ хийсэн “Хүүхдийн төмөр зам” одоогоор 20 орчим мянган хүүхдэд буюу өдөрт дунджаар 600-800 хүүхдэд үйлчилж байна.

“Улаанбаатар төмөр зам” ХНН нийгмийн хариуцлагынхаа хүрээнд Дархан хотын “Миний монгол” цэцэрлэгт хүрээлэнд Хүүхдийн төмөр замыг ганцхан жилийн дотор барьж ашиглалтад оруулсан юм. Тус төмөр замын үйлчилгээний тарифыг тогтоогоогүй тул үнэ төлбөргүй үйлчилж байгаа аж. Хүүхдийн төмөр зам даваа гарагт амардаг бол  бусад өдөр 11.00-18.00 цагийн хооронд ажиллаж байна. Тус төмөр зам нь УБТЗ-ын Дархан татах хэсгийн харьяанд байгаа бөгөөд машинч, вагоны үйлчлэгч, замын болон холбооны техникч, өртөөний жижүүр зэрэг төмөр замын мэргэжлийн хүмүүс хүүхэд багачуудад үйлчилж байна.



 

Холбоотой мэдээ