Улаанбаатар
Газар тариалангийн бүс нутгаар цочир хүйтэрч болзошгүй
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Газар тариалангийн бүс нутгаар энэ сарын 28-29-нд шилжих шөнө хөрсөн дээр цочир хүйтэрч болзошгүйг ХХААХҮЯ мэдээлэв.
Тодруулбал, нөгөөдрөөс 6 дугаар сарын 1-нийг хүртэлх цаг агаарын урьдчилсан төлөвөөр нөгөөдөр салхий нутгийн зарим газраар, 29, 30, 31-нд говь, тал хээрийн нутгаар секундэд 13-15 метр хүрч ширүүсэх юм. Энэ сарын 28-нд төв болон говийн аймгуудын ихэнх нутаг, зүүн аймгуудын нутгийн зарим газраар, 29-нд говийн аймгуудын нутгийн зүүн, зүүн аймгуудын нутгийн зарим газраар, 30-нд зүүн аймгуудын нутгийн зүүн хэсгээр, 31-нд баруун аймгуудын нутгийн баруун хэсгээр бороо, уулархаг нутгаар нойтон цас орно.
Түүнчлэн, нөгөөдөр ихэнх нутгаар, 29-нд нутгийн зүүн хэсгээр сэрүүсэж Хангай, Хөвсгөл, Хэнтийн уулархаг
нутаг, Байдраг, Эг, Үүр, Туул, Тэрэлж, Хэрлэн, Онон, Улз голын хөндийгөөр шөнө
2-7 хэм хүйтэн, өдөр 8-13 хэм, Их нууруудын хотгор, говийн бүс
нутгийн өмнөд хэсгээр шөнө 4-9 хэм,
өдөртөө 19-24 хэм
дулаан, бусад нутгаар шөнөдөө 1 хэм хүйтнээс 4 хэм дулаан, хөрсөн дээр цочир хүйтэрч, өдөртөө 12-17 хэм дулаан байна.
Харин энэ сарын 29-30-нд
нутгийн баруун өмнөд хэсгээр, 31-нд ихэнх нутгаар дулаарах аж.
