Сонгогчийн бүртгэлийн программ хангамжийг шалган баталгаажуулжээ

МОНГОЛЫН МЭДЭЭ | УЛС ТӨР
b.tuul@montsame.gov.mn
2023-05-31 08:09:29

Улаанбаатар /МОНЦАМЭ/. Орон нутгийн хурлын нөхөн сонгуулийг ирэх сарын 18-ны ням гарагт 17 аймаг, 30 сум, нийслэлийн 1 дүүрэгт нэгдсэн журмаар явуулна.


Сонгуулийн автоматжуулсан системийн тухай хуульд заасны дагуу нөхөн сонгуульд ашиглах автоматжуулсан системийн аюулгүй байдлыг хангах, техник хэрэгсэл, программ хангамжийг шалган туршиж, баталгаажуулан гэрчилгээ олгох ажлын хэсгийг Сонгуулийн ерөнхий хорооны дэргэдэх Мэдээллийн технологийн төв, Тагнуулын ерөнхий газар, Цахим хөгжил, харилцаа, холбооны яам, И-Монгол академи, Үндэсний дата төв УТҮГ-ын төлөөлөлтэй байгуулсан. 


Ажлын хэсэг энэ сарын 30-нд сонгогчийн бүртгэлийн программ хангамжийг шалган туршиж, баталгаажуулах ажлыг Улсын бүртгэлийн ерөнхий газарт явуулжээ.


Холбоотой мэдээ