Улаанбаатар
ТӨВ: UBCab онлайн такси үйлчилгээ Зуунмод хотод үйл ажиллагаагаа эхлүүллээ
ОРОН НУТГИЙН МЭДЭЭ | ТӨВ
Зуунмод, 2024 оны арваннэгдүгээр сарын 22 /МОНЦАМЭ/. Зуунмод хотод UBCab такси үйлчилгээ өнөөдөр Зуунмод хотод нэвтэрч нээлтээ хийлээ. Нээлтэд хувиараа такси үйлчилгээ эрхлэгч 30 гаруй жолооч оролцож, UBCab такси дуудлагын үйлчилгээнд жолоочоор хэрхэн бүртгүүлэх, яаж ажиллах талаар заавар зөвлөгөөг компанийн сургагч багш нараас авчээ.
Жолоочийн бүртгэл хурдан системээр баталгааждаг тул орон нутгийн жолооч нар салбарт биеэр очих шаардлагагүй, онлайнаар бүртгүүлэх боломжтой юм.
UBCab онлайн такси үйлчилгээ нэвтэрснээр зөвхөн машин дуудахаас гадна дуудлагын жолооч, шуурхай хүргэлт зэрэг үйлчилгээг давхар авах боломж нээгдэж байгаагаараа онцлогтой.
Энэхүү үйлчилгээ нэвтэрснээр Зуунмод суманд такси
үйлчилгээний нэгдсэн үйлчилгээ байхгүй байснаас дур мэдэн үнэ тогтоох, хувиараа
найдваргүй такси үйлчилгээгээр иргэд үйлчлүүлэх, дуудсан хаяг байршилд ирэхгүй
удах, харилцаа хандлага муу байх зэрэг асуудлыг нэг дор шийдэх боломжтой болж
байгааг албаныхан онцлов.
