Нийт нутгаар дулаарна

МОНГОЛЫН МЭДЭЭ | БАЙГАЛЬ ОРЧИН
erdenebat@montsame.mn
2025-04-05 09:30:09

Улаанбаатар, 2025 оны дөрөвдүгээр сарын 5 /МОНЦАМЭ/. Баруун аймгуудын нутгаар өнөөдөр 8-20 цаг хүртэл   үүлшинэ, бусад нутгаар багавтар үүлтэй.


Монгол-Алтай, Хөвсгөлийн уулсаар цас орно. Бусад нутгаар хур тунадас орохгүй. Нийт нутгаар дулаарна.


Салхи зүүн аймгуудын нутгаар баруун хойноос, бусад нутгаар баруун өмнөөс секундэд 5-10 метр, Алтайн салбар уулс болон Хөвсгөлийн уулархаг нутгаар зарим үед секундэд 16-18 метр хүрч ширүүсэж, шороон шуурга шуурна.


Увс нуурын хотгор, Тэс голын хөндийгөөр +2-+7 градус, Хангай, Хөвсгөл, Хэнтийн уулархаг нутаг, Идэр, Туул, Хэрлэн, Онон, Улз голын хөндийгөөр +6-+11 градус, Хангайн нурууны өвөр бэл, Орхон-Сэлэнгийн сав газар, говийн бүс нутгийн өмнөд хэсгээр +16-+21 градус, бусад нутгаар +11-+16 градус дулаан байна.

Холбоотой мэдээ