Улаанбаатар
Пэгдү уулыг ЮНЕСКО-гийн Дэлхийн геопаркийн сүлжээнд бүртгэжээ
ДЭЛХИЙН МЭДЭЭ | БАЙГАЛЬ ОРЧИН
ПЁНЬЯН, 2025 оны дөрөвдүгээр сарын 15 /Yonhap/. Умард Солонгос-Хятадын хил дээрх Пэгдү галт уулын Умард Солонгосын нутагт хамаарах хэсгийг НҮБ-ын Боловсрол, шинжлэх ухаан, соёлын байгууллагын /ЮНЕСКО/ Дэлхийн геопаркаар бүртгэн авчээ.
ЮНЕСКО-гийн Гүйцэтгэх
зөвлөл Пэгдү уулыг дэлхийн
геопаркийн сүлжээнүүдийн жагсаалтад оруулахыг даваа гарагт дэмжсэн байна. Ингэснээр Умард Солонгос улс анх
удаа ЮНЕСКО-гийн Дэлхийн
геопаркийн сүлжээнд нэгджээ.
Геологийн чухал ач холбогдолтой байгалийн дурсгалт газруудыг хүлээн зөвшөөрч, тэдгээрийг тогтвортой хадгалж хамгаалахыг дэмжих зорилгоор уг жагсаалтыг хөтлөн өргөжүүлсээр ирсэн юм.
Өнгөрсөн онд ЮНЕСКО-гийн Гүйцэтгэх зөвлөлөөс тус уулын Хятадын нутаг дахь хэсгийг буюу Чанбайшань
уулыг /хятад нэрээр/ ЮНЕСКО-гийн
Дэлхийн геопаркаар бүртгэсэн байна.
Умард
Солонгосын тал үүнээс нэг
жилийн өмнө буюу 2019 онд тус уулыг ЮНЕСКО-гийн жагсаалтад бүртгүүлэх хүсэлт гаргасан боловч “COVID-19” цар тахлын улмаас Умард Солонгост очих боломжгүй болсон тул Хятадын хүсэлтийг эхлээд баталгаажуулжээ.
Мөн ЮНЕСКО-гийн Гүйцэтгэх зөвлөл Өмнөд Солонгосын Данян, Донхэан дахь геопаркуудыг Дэлхийн геопаркийн сүлжээнд нэмж оруулснаар тус улсын геопаркуудын тоо 7 болсон байна.
