Улаанбаатар
Бэлчирийн бүсийн багш нар аймгийн аваргын цом хүртлээ
ОРОН НУТГИЙН МЭДЭЭ | СЭЛЭНГЭ
Сэлэнгэ аймгийн багш нарын аймгийн аварга шалгаруулах “Багш-2017” тэмцээн өнгөрсөн амралтын өдрүүдэд Цагааннуур суманд болж өндөрлөлөө.
Сагс волейбол, теннис, шатар, шагайн харваа зэрэг спортын 5 төрлөөр зохион байгуулагдсан уг тэмцээнд Сэлэнгэ аймгийн 5 бүсийн 180 орчим багш нар оролцож хурд хүч, авхаалж самбаагаа уралдуулан өрсөлдсөн байна. Ингээд аймгийн аваргын цомыг нийлбэр дүнгээрээ Бэлчирийн бүс авсан бол удаах байруудад “Хараа”, “Орхон” бүсүүд тус тус шалгарчээ.
Тус тэмцээний ерөнхий зохион байгуулагчаар аймгийн Биеийн тамирч спортын газар, Цагааннуур сумын ЗДТГ, ЕББДСургууль, “Нарлаг” цэцэрлэг оролцсон байна. Харин тэмцээний ивээн тэтгэгчээр “Баатар ван Наваан Юндэн сан”, Цагааннуур сумын н.Одгэрэл захиралтай “Сэлэнгэ тариа” ХХК, Х.Төмөр-Очир захиралтай “Бүтээлийн нуур” ХХК-иуд ажиллажээ.
.Отгонцэцэг
