Улаанбаатар
“Хилийн чанад дахь Монголчуудын холбоо, ТББ-уудын III чуулга уулзалт” болно
МОНГОЛЫН МЭДЭЭ | ГХЯ-НЫ МЭДЭЭ
Улаанбаатар /МОНЦАМЭ/. Монгол Улсын Гадаад харилцааны яам, “Хилийн чанад дахь Монголчуудын зөвлөл” ТББ хамтран “Хилийн чанад дахь Монголчуудын холбоо, ТББ-уудын III чуулга уулзалт”-ыг 2018 оны 9 дүгээр сарын 12-ноос 14-ний өдрүүдэд Улаанбаатар хотноо зохион байгуулна.
Чуулга уулзалтын хүрээнд “Хилийн чанад дахь монгол иргэдийн эрх зүйн орчин, нийгмийн асуудлууд”, “Гадаадад боловсрол эзэмшсэн болон суралцаж буй монгол оюутнууд”, ”Хилийн чанад дахь монгол хүүхдүүдийн монгол хэл, соёлын дархлаа” сэдэвт салбар хуралдаанууд болно.
Түүнчлэн хилийн чанадад болон дотоодод үйл ажиллагаа явуулж буй ТББ, аж ахуй, нэгжүүдийн танилцах, мэдээлэл солилцох, хамтран ажиллах Нээлттэй өдөрлөгийг МҮХАҮТ-тай хамтран 14-ний өдөр зохион байгуулахаар төлөвлөж байна.
Ч.Ариунболд
Ч.Ариунболд
