Улаанбаатар
Улсын математикийн олимпиад Цэцэрлэг хотод болно
ОРОН НУТГИЙН МЭДЭЭ | АРХАНГАЙАрхангай аймгийн Засаг даргын албан өрөөнд В.Адъяасүрэн, Н.Төмөрбаатар, Б.Сандагдорж, Ц.Далайжамц тэргүүтэй Архангай аймгаас төрөн гарсан математикчид хуралдаж, энэ онд болох улсын математикийн олимпиадын бэлтгэл ажлыг эрчимжүүлэх талаар саналаа хэллээ.
Энэ том арга хэмжээнд зөвхөн хэдэн багш, сурагч, тэдний эцэг эх төдийгүй өргөн олныг хамруулж нэгдмэл санаатай байхыг зөвлөв. Архангайд болж буй аливаа тэмцээн уралдааныг харахад аймгийн хэдэн удирдлага, сургуулийн цөөн багш, зохион байгуулагч тэгээд хэсэг сурагч харагддаг. Яагаад эцэг эхчүүд үр хүүхдүүдээ дэмжин оролцоод амжилт гаргах бүрт бэлтгэсэн багшид урам хайрлаж талархаж болохгүй гэж шүүмжлэв. Тэд бүр жишээ дурьдаж, Дундговь, Орхон, Дархан-Уул зэрэг аймагт анги танхимаар дүүрэн дэмжигч - эх эцэг харагдаж байдаг. Энэ бүхэн чинь амжилтын нэг хэсэг шүү дээ хэмээн математикчид сэтгэгдлээ илэрхийллээ.
Архангай. Л. Булган
