БНАСАУ-ын хөл бөмбөгчид БНСУ-д хүрэлцэн ирлээ
ДЭЛХИЙН МЭДЭЭ | СПОРТСӨҮЛ. /Yonhap/.
Пүрэв гарагт БНАСАУ-ын хөл бөмбөгчдийн
баг Олон улсын залуучуудын хөл бөмбөгийн тэмцээнд оролцохоор БНСУ-д хүрэлцэн
ирсэн тухай Улс орноо нэгтгэх яамнаас мэдээлэв.
Яамны мэдэгдэлд тэмдэглэснээр,
БНАСАУ-аас 84 хүний бүрэлдэхүүн бүхий төлөөлөгчдийн баг орон нутгийн цагаар өглөөний 11
цагийн орчимд Цэргийн хилийн бүсийг нэвтрэн, Гёнги зурвасаар дамжин БНСУ-д
хүрэлцэн ирсэн аж. Тэднийг өнгөрсөн дөрөвдүгээр сарын 25-нд Тамирчдын хорооны
даргаар томилогдсон, дэд сайд Мун Ун ахлан ирсэн байна.
Энэ удаагийн тэмцээнийг Өмнөд-Умард Солонгос хоорондын спортын холбоо зохион байгуулж байгаа бөгөөд Хятад, Вьетнам зэрэг зургаан улсын найман баг оролцох юм. Өмнөх тэмцээнийг 2017 оны наймдугаар сард Пхеньян хотноо зохион байгуулсан бөгөөд БНСУ-ын 150 гаруй иргэн тус улсад очиж байжээ.