Улаанбаатар
АНУ-ын визээс чөлөөлөх хөтөлбөрт орох зорилтоо танилцуулав
МОНГОЛЫН МЭДЭЭ | ГХЯ-НЫ МЭДЭЭ
Улаанбаатар /МОНЦАМЭ/. ГХЯ-ны Төрийн нарийн бичгийн дарга Д.Даваасүрэн АНУ-ын Төрийн департаментын консулын асуудал эрхэлсэн Тэргүүн туслах төрийн нарийн бичгийн дарга Браунлитэй энэ сарын 25-нд Вашингтон хотноо уулзав.
Уулзалтын үеэр талууд хоёр талын консулын асуудлаар тусгайлан санал солилцох зөвлөлдөх механизм бий болж, Монгол Улс, АНУ-ын ГХЯ хоорондын консулын анхдугаар зөвлөлдөх уулзалтыг зохион байгуулж буйг тэмдэглэв.
ГХЯ, АНУ-ын ЭСЯ хамтран хэрэгжүүлж буй “Хариуцлагатай аялцгаая” аяны хүрээнд монгол иргэд америкийн цагаачлалын хууль тогтоомжийг мөрдөн, визийн хугацаа хэтрүүлэхээс эхлээд бусад үзүүлэлт эрс сайжирч байгааг талууд цохон тэмдэглэв. Мөн ГХЯ-ны Төрийн нарийн бичгийн дарга Д.Даваасүрэн Монгол Улс алсдаа АНУ-ын визээс чөлөөлөх хөтөлбөрт орох зорилт тавин ажиллаж буйг онцлов.
2018 оны байдлаар манай улсын 25 мянга гаруй иргэн АНУ-ын 200 орчим хотод амьдарч байна.
