А.Алтансүх снукер биллиардын ДАШТ-д оролцоно
МОНГОЛЫН МЭДЭЭ | СПОРТУлаанбаатар /МОНЦАМЭ/. Снукер биллиардын лигийн аварга шалгаруулах тэмцээн бүтэн нэг сарын турш үргэлжилж спортын мастер А.Алтансүх тэргүүллээ.
Тэрбээр, лигийн аварга болсноор энэ сарын 28-нд Туркийн Антальяа хотноо болох
дэлхийн аварга шалгаруулах тэмцээнд эх орноо төлөөлөн оролцохоор болжээ. А.Алтансүх
УАШТ болон лиг, бүсийн тэмцээнүүдэд олон удаа аваргалсан шилдэг тамирчин төдийгүй
Монгол Улсаа төлөөлж ДАШТ-д амжилттай оролцож байсан юм. Лигийн аварга
шалгаруулах тэмцээний 40-49 насны ангилалд 20 гаруй тамирчин өрсөлджээ.