Улаанбаатар
Д.Медведев ирэх сард У.Хүрэлсүхтэй уулзахаар төлөвлөж байна
ДЭЛХИЙН МЭДЭЭ | УЛС ТӨР
МОСКВА. /TASS/. ОХУ-ын Шадар сайд Алексей Гордеев тус улсын Ерөнхий сайд Дмитрий Медведев болон МУ-ын Ерөнхий сайд Ухнаагийн Хүрэлсүх нарын ирэх 12 дугаар сард хийх уулзалтын бэлтгэл ажлын талаар хэлэлцсэн гэж ОХУ-ын Засгийн газрын албан ёсны цахим хуудаст мэдээлсэн байна.
ОХУ-Монголын Засгийн газар хоорондын комиссын хуралдааныг явуулах үеэр тэрбээр энэ асуудлыг хэлэлцжээ. У.Хүрэлсүхийн ОХУ-д хийх айлчлалын үеэр мөн ОХУ-Монголын бизнес чуулга уулзалтыг нээхээр төлөвлөж байгаа аж.
Хоёр улсын худалдааны эргэлт гурван жилийн хугацаанд тогтвортой өсөлттэй
байгааг А.Гордеев цохон тэмдэглэжээ. Шинжээчдийн үнэлж байгаагаар, энэ үзүүлэлт
2018 онд 1 тэрбум 650 сая орчим ам.долларт хүрсэн нь 2017 оныхтой харьцуулахад 20 хувиар
өссөн үзүүлэлт байсан бол 2019 оны 1-9 дүгээр сарын үзүүлэлттэй харьцуулахад 13 хувиар
өссөн байна.
Хоёр улсын хамтын ажиллагаанд тулгамдсан асуудлуудыг
тодорхойлох хэрэгтэйг тэрбээр цохон тэмдэглэжээ.
