АНЭУ-ын Элчин сайдын яамны газрыг улсын тусгай хэрэгцээнд авлаа

Монголын мэдээ | Улс төр
ariunbold@montsame.mn
2019-12-06 12:32:18

Улаанбаатар /МОНЦАМЭ/. УИХ-ын чуулганы өнөөдрийн нэгдсэн хуралдаанаар Газрыг улсын тусгай хэрэгцээнд авах тухай тогтоолыг батлав.


Монгол Улс Арабын Нэгдсэн Эмират Улс (АНЭУ)-тай 1996 онд дипломат харилцаа тогтоосон. АНЭУ 2016 онд нийслэлийн Хан-Уул дүүргийн 15 дугаар хорооны нутаг дэвсгэрт байдаг орон сууцны “Жаргалан" хотхоноос өөрийн хөрөнгөөр амины орон сууц бүхий 1449 ам метр газар худалдан авч, Элчин сайдын яамаа нээсэн юм. Улмаар уг газрыг улсын тусгай хэрэгцээнд авах хүсэлтийг Барилга, хот байгуулалтын яаманд ирүүлжээ. Үүний дагуу уг тогтоолын төслийг Засгийн газар боловсруулсныг УИХ-ын чуулганы нэгдсэн хуралдаанд оролцсон гишүүдийн 68.2 хувь дэмжиж, анхны хэлэлцүүлгээр батлав.

Холбоотой мэдээ