Олимпийн хөгжлийг дэмжих сангийн цом Баян-Өлгий аймагт аялж байна

ОРОН НУТГИЙН МЭДЭЭ | БАЯН-ӨЛГИЙ
aizarya@montsame.mn
2016-06-08 02:37:58

"РИО-2016" Олимпийн наадамд оролцох тамирчдадаа дэмжлэг үзүүлэх, санхүүгийн эх үүсвэрийг бүрдүүлэхэд хувь нэмрээ оруулах зорилготой Монгол Улсын Ерөнхий сайдын нэрэмжит "Олимпийн хөгжлийг дэмжих сангийн" цом Баян-Өлгий аймагт аялж эхэллээ.

Уг цомын аялуулах аянтай холбогдуулан Аймгийн Засаг дарга Х.Дармен захирамж гаргаж ажлын хэсэг байгуулан хавсралтаар цом аялах байгууллагуудын хуваарийг баталсанаар энэхүү ажил эхэлсэн юм.
Одоогоор цом нь аймгийн ШШГАлба, Онцгой байдлын газар, УБСГазар, Цагдаагийн газар, Баян-Өлгий аймаг дахь шүүхийн тамгын газар, Хөдөлмөрийн хэлтэс, Татварын хэлтэс зэрэг байгууллагуудаар аялаад байна.
Олимпийн хөгжлийг дэмжих сангийн цом нь 5 дугаар сарын 23-аас 6 дугаар сарын 23 хүртэл хугацаанд 40 байгууллага, аж ахуйн нэгжээр аялах юм.

Ш.Айзаря

Холбоотой мэдээ