Сонгинохайрхан дүүрэгт 150 хүүхдийн ортой цэцэрлэг ашиглалтад ороход бэлэн болжээ

МОНГОЛЫН МЭДЭЭ | БОЛОВСРОЛ
boloroo8136@gmail.com
2023-03-22 09:21:23

Улаанбаатар /МОНЦАМЭ/. Сургууль, цэцэрлэгийн чанар, хүртээмжийг нэмэгдүүлэх, хүүхэд багачуудыг ая тухтай орчинд боловсрол эзэмшүүлэх зорилгоор нийслэлийн Сонгинохайрхан дүүргийн 11 дүгээр хороонд 150 хүүхдийн ортой шинэ цэцэрлэг ашиглалтад ороход бэлэн болжээ.


Ингэснээр 11 дүгээр хорооны цэцэрлэгийн насны хүүхдүүд сургуулийн өмнөх боловсролд бүрэн хамрагдах боломжтой болж байна.

Нийслэлийн 314 дүгээр цэцэрлэг болж үйл ажиллагаа явуулах тус цэцэрлэг хоёр чийрэгжүүлэх танхим, хоёр хөгжмийн танхим, зоорь гэх мэт нийт 30 гаруй өрөө тасалгаатай юм. Цэцэрлэгийн барилга угсралтын ажлыг бүрэн дуусгаж, ашиглагчид хүлээлгэн өгсөн бөгөөд үргэлжлүүлэн гадна тохижилтыг гүйцэтгэж байгаа аж.



Холбоотой мэдээ