Улаанбаатар
ДОРНОГОВЬ: Ханги боомтод нээлттэй хаалганы өдөрлөг зохион байгууллаа
ОРОН НУТГИЙН МЭДЭЭ | ДОРНОГОВЬ
Сайншанд, 2024 оны тавдугаар сарын 15 /МОНЦАМЭ/. Дорноговь аймгийн Засаг даргын захирамжийн дагуу төрийн зарим үйлчилгээний нээлттэй хаалганы өдөрлөгийг тавдугаар сарын 13-нд алслагдсан Хатанбулаг суманд зохион байгуулжээ.
Аймгийн Автотээврийн төвийн дарга Ж.Сүхбаатараар ахлуулсан ажлын багт ЭМГ-ын дарга Д.Батцэцэг, НЭМТ-ийн мэргэжилтэн, аймгийн Нэгдсэн эмнэлгийн нарийн мэргэжлийн эмч нар, Хатанбулаг сумын ЭМТ-ийн эмч, мэргэжилтнүүд багтан ажилласан байна.
Ажлын баийнхан Хатанбулаг сумын нутаг дахь Ханги хилийн
боомтод ажиллаж амьдарч байгаа суурьшлын бүсийн иргэд, урт болон богинын тээврийн жолооч нарт эрүүл мэндийн үзлэг, жор бичих, түргэвчилсэн оношлуураар
шинжилгээ хийх болон нарийн
мэргэжлийн эмчийн үзлэгийг зургаан төрлөөр хийж, 5-6
төрлийн шинжилгээ авч, давхардсан тоогоор 100 гаруй хүнд эрүүл мэндийн тусламж
үйлчилгээ үзүүлжээ.
Ташрамд, Хатанбулаг
сум дахь Ханги хилийн боомт нь Монголын
нүүрсний экспортын хоёр дахь том гарц бөгөөд энд ажиллаж амьдарч буй хүмүүст зориулсан суурьшлын
бүсийг 20 жилээр төлөвлөөд байгаа
юм. Тус боомтоор өдөрт 200-250 орчим тээврийн хэрэгсэл нэвтэрч байгаа бол
Боомтын сэргэлтийн хүрээнд
цаашдаа 900-1500 тээврийн хэрэгсэл нэвтрэх боломж бий болно.
