Улаанбаатар
"Сэврэйн цом" нэртэй жүдо бөхийн тэмцээн болно
ОРОН НУТГИЙН МЭДЭЭ | ӨМНӨГОВЬ
Өмнөговь аймгийн Сэврэй суманд "Сэврэйн цом" нэртэй жүдо бөхийн тэмцээн болох гэж байна.
Дэлхийн аварга, олон улсын мастер М.Пунцаг, аймгийн хурц арслан П.Бямбаа нарын нэрэмжит "Цагаан суварга" хүчит бөхийн дэвжээний шинэ хичээлийн жилд зориулан уг тэмцээнийг зохион байгуулах гэж байгаа ажээ. Өмнөговь аймагт бөхийн сонгомол төрлөөр хичээллэх хүүхэд багачуудын ур чадварыг дээшлүүлэх, барилдааны арга барил, туршлага солилцох зорилготой тус тэмцээн 11 сарын 5-6-ны өдрүүдэд болох юм. Тэмцээнд эрэгтэй 27, 30, 34, 40, 44, 52, 80, эмэгтэй 30, 36, 40, 44, 50, 58, 60 кг-ийн жинд өрсөлдөх юм байна.
Өнгөрсөн жил уг дэвжээний нээлтийг чөлөөт бөхийн төрлөөр анх удаа зохион байгуулж байсан бол энэ жил ийнхүү жудогийн төрлөөр зохион байгуулахаар болжээ.
Өмнөговь аймаг Д.Мишигсүрэн
