Улаанбаатар
СҮХБААТАР: Цаг агаарт зориудаар нөлөөлж байна
ОРОН НУТГИЙН МЭДЭЭ | СҮХБААТАР
Баруун-Урт, 2025 оны
гуравдугаар сарын 11 /МОНЦАМЭ/. Түймэр унтраах үйл ажиллагааг дэмжих зорилгоор Цаг уур, орчны шинжилгээний газрын даргын тушаалаар түймэртэй байгаа Сүхбаатар аймгийн нутгаар цаг агаарт зориудаар нөлөөлөх "Шарга бороо-2" экспедицийн үйл ажиллагааг үргэлжлүүлж байна.
Тодруулбал, аймгийн УЦУОШТ-ийн дарга Х.Энхбаяраар ахлуулсан "Шарга бороо-2" экспедиц түймэртэй болон түймэрт өртөх өндөр эрсдэл бүхий Асгат, Сүхбаатар, Баруун-Урт сумын зааг нутгаар үүлэнд зориудаар нөлөөлсний үр дүнд өглөөний 8.00 цагаас эхлэн 2 цаг үргэлжилсэн цас орлоо.
Одоогоор Баруун-Урт, Баяндэлгэр, Асгат суманд цас орж байна. Эрдэнэцагаан, Сүхбаатар суманд дахин үүлэнд нөлөөлөх ажлыг үргэлжлүүлнэ гэж аймргийн УЦУОШТ-өөс мэдээллээ.
Ингэж цаг агаарт зориудаар нөлөөлж,
цас оруулснаар түймрийн тархалтыг зогсоох, цаашлаад
түймрийг унтраахад хамгийн ихээр нөлөөлж буйг онцолж байна.
