Улаанбаатар
Байдрагийн гүүр хүртэлх автозамын ажил эхэллээ
ОРОН НУТГИЙН МЭДЭЭ | БАЯНХОНГОР
Тус авто замын ажлын ерөнхий гүйцэтгэгчээр БНХАУ-ын “Шанхай Констракшн Групп” ХХК, туслан гүйцэтгэгчээр Монголын “Их Монгол”, “Их Богд Зам”, “Ди Ар Жэй”, “Төгс Зам” ХХК шалгарсан байна. Хоёр жилийн хугацаанд тавигдах замын ажилд 700 хүн ажиллахын 70 хувь нь монгол ажилчид байх бөгөөд эдгээр компаниуд авто замын барилгын бэлтгэл ажлыг хангах хүрээнд нүүлгэн шилжүүлэлт, кэмп байгуулах, хэмжилтийн ажлуудыг хийж гүйцэтгээд байгаа аж.
Баянхонгор-Байдрагийн гүүр чиглэлийн 129.4 км хатуу хучилттай авто зам нь 7 метрийн өргөн, 6 см-ийн зузаан асфальтбетон хучилттай, 2 талдаа 1.5 метрийн өргөн хайрган хөвөөтэй, 3 дугаар зэрэглэлийн автозам болох юм.
Тус авто замын ажлын ерөнхий гүйцэтгэгчээр шалгарсан БНХАУ-ын “Шанхай Констракшн Групп” ХХК нь Монгол Улстай 10 жилийн хугацаанд хамтран ажиллаж “Буянт Ухаа” цогцолбор, Ховдын Дөргөний усан цахилгаан станц зэргийг барьж байгуулжээ. 60 жилийн түүхтэй тус компани дэлхийд 100 гаруй том бүтээн байгуулалт хийсэн туршлагатай юм байна.
Б.Мөнхзул
