Ulaanbaatar
Уулархаг нутгаар ялимгүй цас орно
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2025 оны нэгдүгээр сарын 5 /МОНЦАМЭ/. Цаг уур, орчны шинжилгээний газрын мэдээлснээр, энэ сарын 4-7-нд уулархаг нутгуудаар ялимгүй цас орно.
2025 оны нэгдүгээр сарын 5-9-нийг хүртэлх цаг агаарын урьдчилсан төлөв танилцуулж байна.
Энэ сарын 5-нд Хөвсгөл, Хэнтийн уулархаг нутгаар, 6,7-нд Хэнтийн уулархаг нутаг, Дарьгангын тал нутгаар, 8-нд Халх гол орчмоор ялимгүй цас орно.
Салхи энэ сарын 5-нд нутгийн зарим газраар, 6,7-нд говь, тал, хээрийн нутгаар, секундэд 13-15 метр хүрч ширүүснэ. Увс нуур болон Дархадын хотгор, Завхан голын эх, Идэр, Тэс, Байдраг голын хөндийгөөр шөнөдөө -37-42 градус, өдөртөө -25-30 градус, Их нууруудын хотгор, Хөвсгөлийн уулархаг нутаг, Хүрэнбэлчир орчмоор шөнөдөө -30-35 градус, өдөртөө -20-25 градус, Монгол-Алтай, Хангай, Хэнтийн уулархаг нутаг, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн голын хөндийгөөр шөнөдөө -26-31 градус, өдөртөө -15-20 градус, говийн бүс нутгийн өмнөд хэсэг болон цас багатай газраар шөнөдөө -10-15 градус, өдөртөө -1-6 градус, бусад нутгаар шөнөдөө -19-24 градус, өдөртөө -10-15 градус хүйтэн байна.
