Д.Цогтбаатар сайд Франц Улсын Европ, гадаад хэргийн сайдад захидал илгээв

Монголын мэдээ | ГХЯ-ны мэдээ
ariunbold@montsame.mn
2019-04-17 09:33:07

Улаанбаатар /МОНЦАМЭ/. Эртний түүх, соёл иргэншлийн өлгий үзэсгэлэнт Парис хотын Эх Дагинын сүмд гал гарч, Францын ард түмэнд төдийгүй дэлхийн соёлын үнэт өвд нөхөж баршгүй хохирол учирсанд гүнээ харамсаж буйгаа илэрхийлж, Гадаад харилцааны сайд Д.Цогтбаатар Бүгд Найрамдах Франц Улсын Европ, гадаад хэргийн сайд ноён Жан-Ив Лө Дрианд захидал илгээв.


Гадаад харилцааны сайд Д.Цогтбаатар захидалдаа түүхийн нугачаанд түүх, соёлын үнэт өвөөсөө хагацаж байсан гашуун сургамжтай Монголын ард түмний сэтгэл зүрх энэ цаг мөчид франц анд нөхдийн хамт байгааг онцлов.



Парисын Эх Дагинын сүмийн барилгын ажил 1163 онд эхэлсэн бөгөөд  200 орчим жил үргэлжилсэн түүхтэй юм. Парис хотын  төдийгүй Европын шашин, соёлын бэлгэ тэмдэг энэхүү сүмд жилд 13 сая гаруй жуулчин, сүсэгтэн олон зочилдог байна.

Холбоотой мэдээ