Их, дээд сургууль төгсөгчдийн 58.7 хувийг эмэгтэйчүүд эзэлж байна

Монголын мэдээ | Боловсрол
bolor@montsame.mn
2019-10-14 17:33:34

Улаанбаатар /МОНЦАМЭ/. 2018-2019 оны хичээлийн жилд бүх шатны сургуулийг 102.6 мянган суралцагч төгссөнөөс ЕБС-ийг 58.4 мянган сурагч, мэргэжлийн боловсрол, сургалтын байгууллагыг 21.2 мянган суралцагч, их дээд сургууль, коллежийг 23.0 мянган оюутан тус тус төгсжээ.

ЕБС-ийг төгсөгчдийн 41.9 мянга нь суурь боловсрол (9 дүгээр анги)-ыг, 16.4 мянга нь бүрэн дунд боловсрол (12 дугаар анги)-ыг эзэмшигчид байна. 12 дугаар ангийг төгсөгчид өмнөх оны хичээлийн жилээс 24.1 мянга буюу 59.4 хувиар буурсан байна. Энэ нь ЕБС-ийн систем 11 жилийн тогтолцооноос 12 жилийн тогтолцоонд шилжсэнтэй холбоотой юм.

Мэргэжлийн боловсрол, сургалтын байгууллагыг төгсөгчдийн 39.6 хувь нь эмэгтэйчүүд байна. Нийт төгсөгчид өмнөх оны хичээлийн жилээс 0.7 мянга буюу 3.4 хувиар нэмэгдсэн байна. Их дээд сургууль, коллежийг 2018-2019 оны хичээлийн жилд нийт 23.0 мянган оюутан төгссөн нь өмнөх оны хичээлийн жилээс 6.2 мянга буюу 21.2 хувиар буурчээ. Нийт төгсөгчдийн 58.7 хувь нь эмэгтэйчүүд байна.

Холбоотой мэдээ