"Талх чихэр" ХК-ийн орлого 3.5 тэрбум төгрөгөөр өсжээ

Монголын мэдээ | Эдийн Засаг
192@montsame.mn
2020-08-11 14:14:34

Улаанбаатар /МОНЦАМЭ/. Монголын Хөрөнгийн биржийн I ангилалд бүртгэлтэй “Талх чихэр” ХК хуваарийн дагуу энэ оны эхний хагас жилийн санхүүгийн болон үйл ажиллагааны тайлангаа цахим сүлжээгээр дамжуулан олон нийтэд танилцууллаа. Тайлант хугацаанд: 

  • Компанийн борлуулалтын орлого өнгөрсөн оны мөн үеэс 3.5  тэрбум төгрөгөөр өсөж, 28.8 тэрбум төгрөг болж, цэвэр ашиг 8.9 хувиар өсөж, 818.2 сая төгрөгт хүрчээ.  
  • Хэрэглэгчийн хэрэгцээ шаардлагад зориулан цахим худалдаа хийх боломж бүхий талбарын (платформын) хөгжүүлэлтийг эхлүүлэв. 
  • Монголчуудын хүнсний уламжлал цагаан идээ болох шар тос, өрөм цөцгий, бурамтай шанз бүхий 3 төрлийн нарийн боов үйлдвэрлэн хэрэглэгчиддээ танилцуулаад байна.


  • Нийгмийн хариуцлагын хүрээнд "Дархлаа дэмжих” мөн “Хямралыг хамтдаа давцгаая” хөтөлбөрүүдийг хэрэгжүүлсэн. 
  • Хаан Брэндийн бургер, хотдогны талхыг зах зээлд нэвтрүүлсэн. 
  • Бүтээгдэхүүн хөгжүүлэлтийн шинэ бодлогыг энэ онд баримтлан, дэлхийн стандартад нийцсэн бүтээгдэхүүнийг эх орондоо нутагшуулах, шинэ хэрэглээний соёл бий болгохоор ажиллаж байна. 



Хагас жилийн тайлангийн дэлгэрэнгүйг Энд дарж үзнэ үү.


Холбоотой мэдээ