Шүүгдэгч Г.Загдаад 6 жилийн хорих ял оноов

sodonizm@gmail.com

2020-11-17 14:47:24

Улаанбаатар /МОНЦАМЭ/. Баянзүрх дүүргийн Эрүүгийн хэргийн анхан шатны шүүхээс энэ сарын 17-нд хянан хэлэлцсэн шүүх хурлаар шүүгдэгч Г.Загдаад зургаан жил, 60 хоногийн хугацаагаар хорих ял оноож, ялыг нээлттэй хорих байгууллагад эдлүүлэхээр боллоо. Харин шүүгдэгч Г. Амарсайханд нэг жилийн хорих ял оноож, нээлттэй хорих ангид ялыг эдлүүлэхээр тус тус шийдвэрлэжээ.

Шүүгдэгч Г.Загдаад оноосон ялын үндэслэлийг задалж үзвэл, Эрүүгийн хуулийн тусгай ангийн 12.1 дүгээр зүйлийн 2.3-т зааснаар гэр бүлийн хамаарал бүхий харилцаатай хүнийг хүчиндэх, 2.6-т зааснаар хоёр болон түүнээс олон хүнийг хүчиндэх гэмт хэрэг үйлдсэн гэж үзэж 4 жилийн хугацаагаар хорих ял оноожээ. Мөн тус хуулийн тусгай ангийн 11.7 дугаар зүйлийн 2 дахь хэсгийн 2.1-т зааснаар гэр бүлийн хүчирхийлэл үйлдэх гэмт хэргийг хүүхэд, жирэмсэн эмэгтэй, ахмад настан болон хөгжлийн бэрхшээлтэй хүний эсрэг үйлдсэн гэх үндэслэлээр 1 жилийн хугацаагаар хорих ял оноосон байна.

Түүнчлэн Эрүүгийн хуулийн тусгай ангийн 23.1 дүгээр зүйлийн 1-т зааснаар хууль сахиулагчид хүч хэрэглэсэн, хүч хэрэглэхээр заналхийлж эсэргүүцсэн тул 1 жилийн хугацаагаар хорих ял, мөн хуулийн тусгай ангийн 11.6 дугаар зүйлийн 2-т зааснаар хүний эрүүл мэндэд хөнгөн гэмтэл санаатай учруулсан тул 900,000 төгрөгөөр торгох шийтгэл ногдуулсан байна. Үүнийг 15 нэгжийг 1 хоногоор тооцож 60 хоног буюу 2 сарын хугацаагаар хорих ял оноосон байна.

Шүүгдэгч Г.Амарсайханд Эрүүгийн хуулийн тусгай ангийн 11.7 дугаар зүйлийн 2 дах хэсгийн 2.1-т зааснаар гэр бүлийн хүчирхийлэл үйлдэх гэмт хэргийг хүүхэд, жирэмсэн эмэгтэй, ахмад настан болон хөгжлийн бэрхшээлтэй хүний эсрэг үйлдсэн гэх үндэслэлээр 1 жилийн хугацаагаар хорих ял оноосон байна.

Шүүгдэгч Г.Загдаад 6 жилийн хорих ял оноов

Холбоотой мэдээ

Монголд аялахаар ирсэн гадаадын иргэд зорилгоосоо өөр үйл ажиллагаа явуулахгүй байхыг зөвлөв

Алба хаагчдыг эрүүл мэндийн үзлэгт хамруулж байна

Нийтээр тэмдэглэх баяр, тэмдэглэлт өдрүүдийн хуульд нэмэлт оруулах хуулийн төслийг өргөн мэдүүлэв

Хүний эрх, эрх чөлөөний талаарх 23 дахь илтгэлийг УИХ-д хүргүүлээд байна

Төсвийн төслийг 9 дүгээр сарын 1-ний дотор УИХ-д өргөн мэдүүлж байхаар шинэчилжээ

Харилцаа холбооны хуулийг өөрчлөх ажил хуулийн хэрэгжилтийг үнэлэхээс эхэлжээ

Цахим орчинд үйлдсэн гэмт хэргийн 80 гаруй хувь нь залилан байна

“Соргог харуул-2024" дасгал сургуулилтад 300 гаруй алба хаагч оролцож байна

Нийт зөвшөөрлийн 30 хувийг цахимжуулаад байна

бидэнтэй нэгдэх

Хандалт