УОК-ын дэргэд эрдэмтдийн зөвлөл байгууллаа

Монголын мэдээ | Улс төр
bolor@montsame.mn
2020-11-24 19:09:11

Улаанбаатар /МОНЦАМЭ/. Коронавируст цар тахлын үед Улсын онцгой комисс /УОК/-оос авч хэрэгжүүлж буй арга хэмжээ, бодлого, шийдвэрт шинжлэх ухааны үндэслэл, нотолгоотой зөвлөмж боловсруулж дэмжлэг үзүүлэх зорилго бүхий эрдэмтдийн зөвлөлийг байгууллаа.

 

Эрдэмтдийн зөвлөлийн анхны цахим хурлыг Монгол Улсын Шадар сайд, УОК-ын дарга Я.Содбаатар удирдан явуулав. Хурлаар “COVID-19” цар тахлын хүрээнд УОК-оос авч хэрэгжүүлж байгаа төлөвлөгөө, бодлого шийдвэрүүдийн талаар санал солилцлоо.

 

Эрдэмтдийн зөвлөлийн даргаар АШУҮИС-ийн захирал, профессор Н.Хүрэлбаатар, Орлогч даргаар МУИС-ийн Эдийн засгийн танхимийн багш, доктор, дэд профессор Ч.Хашчулуун, Монгол Улсын Шадар сайдын Ахлах зөвлөх бөгөөд ажлын албаны дарга, доктор, дэд профессор С.Янжинсүрэн, Эрдэмтдийн зөвлөлийн нарийн бичгийн даргаар АШУҮИС, Био анагаахын сургуулийн захирал, доктор Г.Дарамбазар, гишүүдэд: Эрүүл мэндийн сайдын зөвлөх, доктор, профессор О.Чимэдсүрэн, Монголын вирус судлалын нийгэмлэгийн ерөнхийлөгч, академич, АШУ-ны доктор, профессор П.Нямдаваа, Монголын Анагаах Ухааны академийн ерөнхийлөгч, АШУ-ны доктор, профессор Ц.Лхагвасүрэн, ДЭМБ-ын Эрүүл мэндийн онцгой байдлын асуудал хариуцсан мэргэжилтэн О.Ариунтуяа, ХӨСҮТ-ийн Амбулаторийн тасгийн эрхлэгч, доктор Б.Саруул зэрэг 22 эрдэмтэн, судлаачид багтаж байна гэж Монгол Улсын Шадар сайдын Ажлын албанаас мэдээлэв.


Холбоотой мэдээ