"Токио-2020" жендерийн тэгш тэнцвэртэй анхны олимп болно
МОНГОЛЫН МЭДЭЭ | СПОРТУлаанбаатар /МОНЦАМЭ/. Олон улсын олимпын хороо /ОУОХ/ болон "Токио-2020" Зохион байгуулах хорооноос Олон улсын эмэгтэйчүүдийн баярын өдрөөр спорт дахь хүйсийн тэгш эрхийг хангахын төлөө улам чармайна гэдгээ хамтран мэдэгдсэн талаар Монголын үндэсний олимпын хорооноос мэдээлэв.
Тухайлбал,
“Токио-2020” олимпод оролцох тамирчдын 49 хувь нь эмэгтэйчүүд байна. Ингэснээр
олимпын түүхэн дэх жендерийн тэгш тэнцвэртэй хамгийн анхны олимп болох аж.
Холимог
хосын төрлийг 18 хүртэл нэмэгдүүлсэн нь “Рио-2016” олимпын амжилтыг давсан.
ОУОХ-ны
206 багийн бүрэлдэхүүнд дор хаяж нэг эмэгтэй тамирчин багтсан байх. Энэ нь
олимпын эрх авах чадвар хомс, маш сул бөгөөд цөөхөн баг бүрэлдэхүүнтэй хөгжиж
буй орнуудын Үндэсний олимпын хороо /ҮОХ/ болон исламын хатуу чанга дэг жаягтай
орны ҮОХ-дод шууд хамааралтай.
ҮОХ-д нь нээлтийн ёслолын жагсаалд эмэгтэй, эрэгтэй тамирчнаар хамтдаа
төрийн далбаагаа залахыг өргөнөөр дэмжин хэрэгжүүлнэ.
"Токио-2020"
Зохион байгуулах хорооны Гүйцэтгэх зөвлөлд нэг дор 12 эмэгтэй гишүүнийг шинээр
томилж, эмэгтэйчүүдийн эзлэх хувь 42-т хүрчээ.
Олимпын
үеэр "Хүйсийн тэгш эрхийг дэмжих" тусгай баг ажиллуулахаар баталжээ.