Улаанбаатар
"Орос дууг хэн сайн дуулах вэ?" цахим уралдааны дүн гарлаа
ОРОН НУТГИЙН МЭДЭЭ | УВС
Увс /МОНЦАМЭ/. Монгол Улс, ОХУ-ын хооронд дипломат
харилцаа тогтоосны 100 жилийн ой, Зөвлөлт-Монголын сансрын хамтарсан нислэгийн 40 жилийн ойн хүрээнд Төрийн захиргааны
ахмад ажилтан, Орос хэлний багш Д.Цэдэвийн санаачилгаар "Орос
дууг хэн сайн дуулах вэ? " цахим уралдаан боллоо.
Аймгийн
ЗДТГ болон Баруун бүсийн хүүхэд хөгжлийн төвөөс хамтран зохион байгуулсан уг уралдааны шилдгүүд энэ сарын 22-ны өдөр шагналаа гардаж авлаа.
Нэг
сарын хугацаанд цахимаар үргэлжилсэн уг уралдаанд Улаангом,
Ховд,
Малчин, Наранбулаг, Тариалан, Баруунтуруун, Давст сумын сумын ерөнхий
боловсролын сургуулиудын авьяастнуудаас гадна Улаанбаатар хот,
Говь-Алтай, Баянхонгор аймгийн багш,
сурагчид,
нийт 100 гаруй хүн оролцсон байна. Тэдний дундаас хамгийн бяцхан оролцогч нь 5 настай Ч.Бүжинлхам байжээ. Уралдааныг 12 хүртэлх насны, 18 хүртэлх насны, гоцлол ба хамтлаг дуу,
насанд хүрэгчдийн гоцлол ба хамтлаг дууны төрлөөр эхний 3 байрыг тус тус шалгаруулж
Диплом, мөнгөн шагналаар шагналаа.
