Загасчид улсын шилдгүүдээ тодруулна
МОНГОЛЫН МЭДЭЭ | СПОРТСпининг загасчлалын 2016 оны улсын аварга шалгаруулах тэмцээн Төв аймгийн Мөнгөнморьт сумын нутаг /Багануур дүүргээс хойш 33 км зайд орших/ дахь Хаан Хэрлэн жуулчны баазад эхэлнэ.
Тэмцээнд нэг баг нь 3 тамирчинтай оролцох юм. Спининг загасчлалын УАШТ-ий тэргүүн байр эзэлсэн баг цом, алтан медаль, өргөмжлөл, ивээн тэтгэгчийн шагнал хүртэх бол 2, 3-р байрт мөнгө, хүрэл медаль, цом, өргөмжлөл, ивээн тэтгэгчийн шагналын эзэд болно. Тус тэмцээний загасчлал нь бүхэлдээ сэртэнгүй дэгээтэй хиймэл өгөөшөөр загас бариад буцаан тавих зарчмаар явагдана гэдгээрээ онцлогтой.
Д.Өлзий