Ulaanbaatar
Энэ сарын 20-ны өдрөөс нийт нутгаар хүйтэрнэ
ОРОН НУТГИЙН МЭДЭЭ | ХОВД
Ховд /МОНЦАМЭ/. Энэ оны 11 дүгээр сарын 22-ны өдөр хүртэлх Ховд аймгийн цаг агаарын урьдчилсан төлөв мэдээг танилцуулж байна.
Энэ сарын 16, 18, 19-нд нутгийн баруун хэсгээр ялимгүй цас орно. Салхи энэ сарын 17-нд зарим газраар секундэд 12-14 метр байна.
Харин энэ сарын 18, 19-нд ихэнх нутгаар салхи секундэд 16-18 метр, зарим үед секундэд 24 метр хүрч ширүүснэ. Бусад хугацаанд салхи баруунаас 4-9м/с байх төлөвтэй.
Агаарын температурын хувьд уулархаг нутгаар шөнөдөө
12-17 градус, өдөртөө 2-7 градус хүйтэн байна. Бусад нутгаар шөнөдөө 8-13
градус хүйтэн, өдөртөө 2 градус дулаанаас 2 градус хүйтэн байх аж.
Мөн энэ сарын 20-ны өдрөөс нийт нутгаар
хүйтэрч, уулархаг нутгаар шөнөдөө 18-23 градус, өдөртөө 12-17 градус хүйтэн
байна. Бусад нутгаар шөнөдөө 13-18 градус хүйтэн, өдөртөө 7-12 градус хүйтэн
байна гэж Ховд аймгийн Ус, цаг уур, орчны шинжилгээний төвөөс мэдээллээ.
