Улаанбаатар
Архидан согтуурсан цагдаа нарыг ажлаас нь чөлөөлжээ
МОНГОЛЫН МЭДЭЭ | ХУУЛЬ
Улаанбаатар /МОНЦАМЭ/. Архидан согтуурсан үедээ маргалдаж, иргэдийн тайван байдал алдагдуулсан цагдаагийн алба хаагчдыг ЦЕГ-ын даргын тушаалаар үүрэгт ажлаас нь чөлөөлжээ.
Тодруулбал, Баянзүрх дүүргийн цагдаагийн нэгдүгээр хэлтэст энэ сарын 12-13-нд шилжих шөнө тус дүүргийн нутагт байрлах Баянмонгол хорооллын байранд хүмүүс архидан согтуурч, иргэдийн амгалан тайван байдал алдагдуулсан дуудлага иржээ. Дуудлагын дагуу цагдаагийн алба хаагчид очиход, ЦЕГ-ын Хяналт шалгалт, үнэлгээ, дотоод аудитын хэлтсийн ахлах байцаагч, хурандаа Ц.Ариунбат, НЦГ-ын ахлах байцаагч, дэд хурандаа Д.Отгонжаргал нар нь ажлын бус цагаар согтуурснаас маргалдаж, дээрх зөрчлийг гаргажээ. ЦЕГ-ын дарга тушаал гаргаж тэднийг өнөөдрөөс үүрэгт ажлаас нь чөлөөллөө.
