Иргэдийн анхаарал болгоомжгүйгээс шар өвсний түймэр гарчээ
МОНГОЛЫН МЭДЭЭ | БАЙГАЛЬ ОРЧИНУлаанбаатар /МОНЦАМЭ/. Нийслэлийн Чингэлтэй дүүргийн 19-р хорооны нутаг дэвсгэрийн Шадивлан зусланд өчигдөр шар өвсний түймэр гарчээ. Нийслэлийн Байгаль орчны газрын байгаль хамгаалагчид, НОБГ-ын Аврах 34 анги хамтран шуурхай арга хэмжээ авч түймрийг унтраажээ.
Иргэд анхаарал болгоомжгүй хандаж, байгальд ил задгай халуун үнс, нурам хаяснаас шар
өвсний түймэр дэгдсэн байна.
Энэ оны 2,
3, 4 дүгээр сард ихэнх нутгаар салхитай, хуурайшилт ихтэй, олон жилийн дунджаас
илүү дулаан байх төлөвтэй байгааг Ус цаг уур, орчны шинжилгээний газар болон
ОБЕГ-аас урьдчилан сэргийлэх мэдээ, мэдэгдэл гаргасаар байгаа билээ. Иймд анхаарал болгоомжтой
байж ой, хээрийн түймрээс урьдчилан сэргийлж, ил задгай гал гаргахгүй байхыг
Нийслэлийн Байгаль орчны газраас анхааруулж байна.