Улаанбаатар
Байгалийн ухааны хичээлийн олимпиадад 90 гаруй сурагч оролцлоо
ОРОН НУТГИЙН МЭДЭЭ | ОРХОН
Орхон /МОНЦАМЭ/ “Эрдэнэт хотын хөгжил, бодлого судалгааны хүрээлэн” ТББ санаачилж Байгалийн ухааны хичээлүүдийн нэгдмэл агуулгын олимпиадыг хоёр дахь жилдээ зохион байгууллаа. Энэ удаагийн олимпиадад 19 сургуулийн 90 гаруй төгсөх ангийн сурагч оролцсон байна.
Олимпиадын дүнг тусгай программаар уншуулж 20 минутын дотор гаргажээ. Дүн гарахад олимпиадын тэргүүн байрт Байгалийн ухааны гүнзгийрүүлсэн
сургалттай 14 дүгээр сургуулийн сурагч Н.Нармандах 86 оноогоор, хоёрдугаар байрт Лаборатори наймдугаар сургуулийн сурагч
Н.Дөлгөөн 76 оноогоор, ТИС-ийн ахлах сургуулийн сурагч Д.Уртнасан 72 оноогоор
гуравдугаар байр эзэлжээ. Дөрөвдүгээр байрт ТИС-ийн ахлах сургуулийн
сурагч З.Чинзориг 71 оноогоор шалгарсан байна.
Тэргүүн байрт шалгарсан
сурагчдыг зохион байгуулагчдын зүгээс нэг сая төгрөгөөр шагнасан бол
хоёр, гуравдугаар байр эзэлсэн сурагчдыг 700-500 мянган төгрөгөөр байлжээ.
