Улаанбаатар
Наадмын тасалбарыг ирэх сарын 6-наас худалдана
МОНГОЛЫН МЭДЭЭТулгар төрийн 2225, Их Монгол Улсын 810, Ардын хувьсгалын 95 жилийн ойн баяр наадмын нээлтийн тасалбарыг ирэх сарын 6-наас 16-24 мянган төгрөгөөр худалдах аж.
Тодруулбал дотоодын иргэдэд зориулсан наадмын нээлтийн тасалбар суудлаасаа хамаарч 16-24 мянган төгрөг, жуулчдад зориулсан нь 25 ам.доллар байх юм. Тасалбарыг Бөхийн өргөө, СТӨ кассаар худалдах бөгөөд онлайнаар худалдаалах эсэх нь тодорхойгүй байна.
Наадмын нээлт, хаалтын тоглолтын найруулагчаар УДЭТ-ын найруулагч, Төрийн соёрхолт Н.Наранбаатар ажиллаж, төрийн хүндэтгэлийн концертыг Үндэсний дуу, бүжгийн эрдмийн чуулгын дарга, найруулагч Г.Цоггэрэл найруулж байгаа юм.
Н.Туяа
