2450 га-д ойн хөнөөлт шавжийн судалгаа, тэмцлийн ажлыг хийжээ

Орон нутагт | Сэлэнгэ
otgontsetseg@montsame.mn
2021-07-25 11:07:37

Сэлэнгэ/МОНЦАМЭ/. Сэлэнгэ аймгийн Түшиг сумын нутагт тархсан ойн хөнөөлт шавжийн судалгаа, тэмцлийн ажлыг Мөнх ногоон жодоо ХХК хийж гүйцэтгэжээ.

Тус компани нь уг ажлыг гүйцэтгэх тендерт шалгарсан учраас уг ажлыг хийжээ. Дээрх судалгаа тэмцлийн ажлыг хийхдээ Түшиг сумын Их, Дунд, Бага хавтгайн овоо, Номт, Хөөт, Өгөөмөр, Хашаат, Гурамсан, Жинст, Гур хүзүү, Ноёны ам, Хар гуя зэрэг газрын 2019 оны ой зохион байгуулалтын материалын 107, 120, 129, 110, 111, 112, 62, 63, 64, 65, 66-р хэсэглэлд хийжээ.

Энэхүү ажлыг энэ сарын 13-19-ний өдрүүдэд хийж гүйцэтгэсэн бөгөөд ойн хөнөөлт өрөөсгөл хүр эрвээхэй шавжтай химийн аргаар, газраар, утаат болон шүршигч багаж ашиглан хийжээ. Энд нийтдээ 11000 га бүхий талбайн 2450 га-д түүвэрлэн хийсэн байна. Тэмцлийн ажлын гүйцэтгэлд Сэлэнгэ бүсийн сайн дурын ойн анги, сумын БО-ны хяналтын улсын байцаагч, байгаль орчны асуудал хариуцсан мэргэжилтнүүд хамтран оролцож, хяналт тавихын зэрэгцээ зөвлөн тусалсан аж. Энэхүү ажлыг Сэлэнгэ аймгийн БОАЖГ-ын захиалгаар Байгаль хамгаалах нөхөн сэргээх арга хэмжээний зардлаар хийж гүйцэтгэжээ.

 

Холбоотой мэдээ