Үс засуулбал өлзийтэй сайн

ЛАВЛАГАА
ariunbold@montsame.gov.mn
2021-09-20 07:47:48

Улаанбаатар /МОНЦАМЭ/. Өнөөдөр аргын тооллын 2021 оны 9 дүгээр сарын 20. Даваа гараг. Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Намрын дунд улаагчин тахиа сарын шинийн 15. Сумъяа гараг. Шувуун хошуут одтой, зургаан цагаан мэнгэтэй, цагаагчин хонь өдөр. 


Наран 6 цаг 36 минутад мандан, 18 цаг 55 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал адгуус муулах, угаал үйлдэх, мал худалдан авах, мал түгээх, хийморийн ддарцаг хатгахад сайн.


Сахил санваар авах, хануур төөнүүр хийлгэх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Хүүхдийн сэвлэг үргээх, үс засуулбал өлзийтэй сайн хэмээжээ.

Холбоотой мэдээ