“Лир ван” хоёр дахь удаагаа орон нутгийн театрын тайзнаас үзэгчдэд хүрлээ
Дорнод /МОНЦАМЭ/. Дорнодын театрынхан жил бүр дэлхийн сонгодгууд болон өөрийн урын сангаас сор болсон бүтээлүүдээ үзэгч түмэндээ өргөн барьдаг уламжлал хэдүйн тогтжээ. Тэр жилдээ "Гэгээн муза" зэрэг томоохон наадмын тэргүүн шагналуудыг түүдэг, түүнийг нь ч Дорнодчууд бид чих тавин хүлээдэг болсон байна.Тэд энэ удаад “Лир ван” жүжгээр шинэ оны уран бүтээлийнхээ салхийг хагалав. Уилъям Шекспирийн нэр хүндийг хүн төрөлхтөнд "дархалсан" томоохон бүтээлүүдийнх нь нэг "Лир Ван" жүжиг ийнхүү Дорнодын театрын тайзнаа амиллаа. Мөн адил шагналын "сор"-ыг түүж, амжилтаа ахиулах нь дамжиггүй ээ.Олон жил хаан ширээнд сууж, жаргалын дээдийг эдэлсэн Лир ван нас ахиснаа ухаарч улс гүрэн, газар нутаа үр хүүхдүүддээ хуваан өгч, амар жимэр амьдрахыг илүүд үзсэн ч хүсэл нь хүзүүгээр татна. Төрүүлж өсгөсөн Гонерилья, Регана охид нь эрх мэдлийн төлөө хаан эцгээсээ нүүр буруулж, энхрий хайрт бага охин Корделиас өөр хүн дэргэд нь үлдэхгүй.
1905 өдөр
Улаанбаатар
