Улаанбаатар
Унгар улс Олон улсын эрүүгийн шүүхээс гарна
ДЭЛХИЙН МЭДЭЭ | УЛС ТӨР
БУДАПЕШТ, 2025 оны дөрөвдүгээр сарын 3 /BBC/. Олон улсын эрүүгийн шүүхээс /ОУЭШ/ гарч байгаагаа Унгарын Засгийн газар мэдэгджээ.
Израилын Ерөнхий сайд Беньямин Нетаньяху төрийн айлчлал хийхээр
Унгар улсад хүрэлцэн ирснээс хойш хэдхэн цагийн дараа Ерөнхий сайд Виктор Орбаны Засгийн газрын өндөр албан тушаалтан
Гергели Гуляс энэ тухай мэдээлсэн байна.
ОУЭШ-ийн тушаал гарсны дараа В.Орбан Израилын удирдагчийг улс орондоо урьж, уг шийдвэр Унгар улсад “ямар ч нөлөө үзүүлэхгүй” гэж мэдэгджээ. 11 дүгээр сард ОУЭШ-ийн шүүгчид Б.Нетаньяхуг Израил, ХАМАС-ын дайны үеэр хүн төрөлхтний эсрэг гэмт хэрэг үйлдсэн, дайны гэмт хэрэг үйлдсэн хэмээн буруутгасан байна. Харин Б.Нетаньяху ОУЭШ-ийн шийдвэрийг “еврейчүүдийг үзэн ядсан шинжтэй” гэж буруушаажээ.
Унгар бол 125
гишүүн оронтой ОУЭШ-ийг
үүсгэн байгуулагч гишүүн орон юм. Тус шүүх нь Ромын дүрэмд оролцогч талуудын нутаг
дэвсгэрт геноцид, хүн төрөлхтний эсрэг гэмт хэрэг, дайны гэмт хэрэг үйлдсэн буруутгагдаж буй хүмүүсийг яллах эрхтэй.
