Улаанбаатар
Бүх нийтийн спорт өдөрлөгт иргэд идэвхтэй оролцож байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/.Нийслэлийн Нийтийн биеийн тамир, спортын хорооноос өнөөдөр бүх нийтийн спорт өдөрлөгийг Сүхбаатарын талбайд зохион байгуулж байна.
Улаанбаатар хотын 378 жилийн ойг тэмдэглэх үйл ажиллагааны хүрээнд “UB SPORT 2017” биеийн тамир, спортын өдөрлөгийг 10.00-17.00 цагийн хооронд зохион байгуулж буй бөгөөд нийслэл, дүүргийн Биеийн тамир, спортын хороод, холбоод, Нийслэлийн Засаг даргын дэргэдэх Өсвөрийн шигшээ багийн тамирчид, нийслэл хотод үйл ажиллагаа явуулдаг фитнесийн болон спорт клубүүд, Нийслэлийн Иргэдийн спортын VI наадмын тэмцээнд оролцогч иргэд, Геронтологийн Үндэсний төвийн хамт олон зэрэг 70 гаруй байгууллагын төлөөлөл оролцож байгаа юм.
“UB SPORT”-2017 биеийн тамир, спортын өдөрлөг нь нийслэлийн өдрийг иргэдэд сурталчлах, иргэд, өсвөр үе, залуучуудыг биеийн тамир, спортын үйл ажиллагаанд татан оролцуулах зорилготой. Тус өдөрлөгөөр экстрим, ширээний теннис, хийн дасгал, спининг фитнесс, хөл бөмбөг, дугуй гэх мэт спортын төрлүүдийг иргэдэд сурталчлах үзүүлбэр үзүүлэхээс гадна спортын секц, дугуйлангийн хөнгөлөлттэй үнээр бүртгэл хийж байна. Мөн шатар, даам, шагайн наадгай, буухиа, олс таталт зэрэг тэмцээнийг зохион байгуулж байгаа юм.
Иргэдийн хувьд спорт өдөрлөгт тун идэвхтэй оролцож байгаа бөгөөд ахмад тамирчдын хувьд төв талбайгаас Үндэсний цэцэрлэгт хүрээлэн хүртэл алхалт хийж байлаа. Нээлтийн ёслолын үеэр “Дуулиан-2020” сурагчдын хөлбөмбөгийн 12 дахь удаагийн тэмцээний гарааны ёслолын ажиллагаа болсон юм.
Улаанбаатар хотын 378 жилийн ойг тэмдэглэх үйл ажиллагааны хүрээнд “UB SPORT 2017” биеийн тамир, спортын өдөрлөгийг 10.00-17.00 цагийн хооронд зохион байгуулж буй бөгөөд нийслэл, дүүргийн Биеийн тамир, спортын хороод, холбоод, Нийслэлийн Засаг даргын дэргэдэх Өсвөрийн шигшээ багийн тамирчид, нийслэл хотод үйл ажиллагаа явуулдаг фитнесийн болон спорт клубүүд, Нийслэлийн Иргэдийн спортын VI наадмын тэмцээнд оролцогч иргэд, Геронтологийн Үндэсний төвийн хамт олон зэрэг 70 гаруй байгууллагын төлөөлөл оролцож байгаа юм.
“UB SPORT”-2017 биеийн тамир, спортын өдөрлөг нь нийслэлийн өдрийг иргэдэд сурталчлах, иргэд, өсвөр үе, залуучуудыг биеийн тамир, спортын үйл ажиллагаанд татан оролцуулах зорилготой. Тус өдөрлөгөөр экстрим, ширээний теннис, хийн дасгал, спининг фитнесс, хөл бөмбөг, дугуй гэх мэт спортын төрлүүдийг иргэдэд сурталчлах үзүүлбэр үзүүлэхээс гадна спортын секц, дугуйлангийн хөнгөлөлттэй үнээр бүртгэл хийж байна. Мөн шатар, даам, шагайн наадгай, буухиа, олс таталт зэрэг тэмцээнийг зохион байгуулж байгаа юм.
Иргэдийн хувьд спорт өдөрлөгт тун идэвхтэй оролцож байгаа бөгөөд ахмад тамирчдын хувьд төв талбайгаас Үндэсний цэцэрлэгт хүрээлэн хүртэл алхалт хийж байлаа. Нээлтийн ёслолын үеэр “Дуулиан-2020” сурагчдын хөлбөмбөгийн 12 дахь удаагийн тэмцээний гарааны ёслолын ажиллагаа болсон юм.
Н.Туяа
Гэрэл зургийг Б.Чадраабал
Гэрэл зургийг Б.Чадраабал
