Тайвань дахь Америкийн хүрээлэн шинэ байранд орж байна

Дэлхийд | Улс төр
172@montsame.mn
2018-06-12 09:20:51
ТАЙПЕЙ. (Reuters). АНУ 250 сая ам.долларын өртөг бүхий төлөөлөгчийн газрын шинэ байраа мягмар гарагт буюу өнөөдөр Тайванийн нийслэлд нээж байна гэж Ройтерс агентлаг мэдээлэв.
 
Эх газрын Хятад болон Тайванийн харилцаа хурцадсан өнөө үед АНУ-ын эрх баригчид үнэн хэрэгтээ элчин сайдын яамны үүрэг гүйцэтгэдэг Тайвань дахь Америкийн хүрээлэнгийн шинэ байрыг нээж байгаа нь энэ ажээ.
 
Америкийн эрх баригчид 1979 онд Тайваньтай дипломат харилцаагаа тасалсан боловч ардчилсан тогтолцоотой тус арлын эрх баригчдын гол холбоотон бөгөөд зэвсэг нийлүүлэгч нь хэвээр үлдсэн юм.
 
Уг хүрээлэнгийн байрны нээлтийн ёслолд АНУ-ын засаг захиргааны өндөр түвшний түшмэд оролцох юм байна.
 
Лу.Батбаяр

Холбоотой мэдээ