Нийслэлээс аймаг орон нутаг руу зорчих хөдөлгөөнийг зогсоож байна

Монголын мэдээ | Нийгэм
192@montsame.mn
2020-02-23 02:23:16

Улаанбаатар /МОНЦАМЭ/. Хоёрдугаар сарын 23-ны 08:00 цагаас эхлэн улс, хот хоорондын зорчигч тээврийн хөдөлгөөнийг түр зогсоож байна. 

Улсын Онцгой комиссын хуралдаанаар зам хаах шийдвэрийг гаргасан. Энэ шийдвэр нь хоёрдугаар 27-ны өдрийн 08:00 хүртэл үйлчилнэ.

Зорчигч тээврийн хөдөлгөөнийг түр зогсоох тус шийдвэрт нислэг хамаарахгүй, харин автобус, галт тэрэг, автомашинаар Улаанбаатараас орох, гарах, аймгуудаас орох гарах хөдөлгөөнийг бүрэн хязгаарлаж байгаа юм.


Шийдвэртэй холбоотойгоор хязгаарлалтын өдрүүдэд нийслэлийн баруун, зүүн, хойд, урд чиглэл буюу Эмээлт, Шинэ 22-ын товчоо, 361 гарам, Баянзүрхийн товчоо, Гүнт, Туул тосгон-Био, Өлзийт шалган нэвтрүүлэх товчоогоор хотоос гарах, хот руу орох бүх төрлийн тээврийн хэрэгслийн хөдөлгөөнийг хязгаарлан автомат хаалтыг байрлуулаад байна.

Мөн байнгын хяналтын цэгүүдэд цагдаагийн байгууллага болон бусад мэргэжлийн байгууллагатай хамтран хяналт тавьж байна. 

Холбоотой мэдээ