ҮАБЗ шинэ коронавирусний асуудлаар зөвлөлдөв

Монголын мэдээ | Улс төр
munkhbaatar@montsame.gov.mn
2020-03-22 11:16:30
@s_munkhbaatar

Улаанбаатар /МОНЦАМЭ/. Монгол Улсын Үндэсний аюулгүй байдлын зөвлөлийн гишүүд өнөөдөр шинэ коронавирусний нөхцөл байдалтай холбогдуулан зөвлөлдөв.


Хуралдаанаар, шинэ коронавирусний Монгол дахь нөхцөл байдал, түүнээс үүдэн нийгэм эдийн засгийн байдалд нөлөөлж буй сөрөг үр дагаврыг багасгах, цаашид нөлөөлж болох хүндрэлүүдийг тооцоолж, иргэд, аж ахуйн нэгжид мэдрэгдэж буй эдийн засгийн дарамтыг багасгах асуудлаар тодорхой шийдвэр гаргахаар ярилцаж, зөвлөлдөв.


Мөн өнөөдөр Ерөнхий сайд У.Хүрэлсүх 10:00 цагаас эхлэн Засгийн газрыг ээлжит бусаар хуралдуулж байна.

Холбоотой мэдээ