Улаанбаатар
УИХ-ын гишүүн О.Баасанхүү АН-д элсэв
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. УИХ-ын гишүүн О.Баасанхүү Ардчилсан намын гишүүнээр элслээ. Ардчилсан намын дарга С.Эрдэнэ батлахыг нь тус намын байранд өнөөдөр гардуулав.
Энэ үеэр АН-ын дарга С.Эрдэнэ, "Ардчилсан нам шинэчлэлийн бодлогоо сүүлийн гурван жил хэрэгжүүлж 200 мянган гишүүнтэй болж чадсан. Таван намын нийлмэл Ардчилсан нам нь сүүлийн гурван жилд үзэл бодлын хувьд нэгдмэл байж чадаагүй. Эрх чөлөө, ардчиллын төлөө нэгдсэн юм. Тэр утгаараа эрх чөлөөний таван тулгуур дээр баруун төвийн үзэл баримтлалтай нам болон төлөвшлөө. Энэ цаг үед УИХ-ын гишүүн О.Баасанхүү 1994 оны Ардчилсан намын гишүүнчлэлээ эргэн сэргээж, хэт олонход хүчтэй сөрөг хүчин болж нэгдэхээр боллоо" хэмээв.
УИХ-ын гишүүн О.Баасанхүү нь 1994 оны гуравдугаар сарын 7-нд АН-ын гишүүнээр элсэж 2011 онд гарч байжээ. Түүнд намын гишүүнээр анх элсэж байсан огноогоор батлахыг нь сэргээн өгч байгааг АН-ын дарга С.Эрдэнэ онцолж байв.
