Коронавирусний халдварыг эмчлэх нэмэлт ор дэлгэлээ

Орон нутагт | Өвөрхангай
batchimeg@montsame.mn
2021-06-13 19:53:04

Өвөрхангай /МОНЦАМЭ/. БОЭТ-ийн халдвартын тасаг 25 ортой учир тус тасгийн хүчин чадлыг нэмэгдүүлж, сүрьеэгийн болон уламжлалтын тасгуудад нийт 35 ор дэлгэж, ковидын халдвартай иргэдийг дээрх 60 ортой 3 тасагт эмчилж байна. 

Сүүлийн өдрүүдэд халдварын тоо эрс нэмэгдэж ковидын тасгийн ачаалал хоёр дахин нэмэгдсэн тул өчигдрөөс эхлэн Политехникийн коллежийн дотуур байранд 100 орыг нэмэлтээр дэлгэж одоогийн байдлаар тус газарт 32 хүн эмчлүүлж байна. Дээрх тасгуудад эмчлүүлж байгаа 109 хүнээс 8 хүний биеийн байдал хүнд, 18 хүний биеийн байдал хүндэвтэр байна. Өнөөдрийн байдлаар халдвар авсан 17 хүртэлх насны 43 хүүхэд эмчлүүлж байна. 

Мөн БОЭТ-ийн Гэмтлийн тасагт 35 орыг нэмэлтээр дэлгэхээр бэлтгэл ажлыг хангаж байна.

Холбоотой мэдээ