Улаанбаатар
СҮХБААТАР: Сүхбаатарын одонгоор шагнав
ОРОН НУТГИЙН МЭДЭЭ | СҮХБААТАР
Сүхбаатар /МОНЦАМЭ/. Цэргийн нэрт жанжин Д.Сүхбаатарын нэрэмжит, 80 жилийн түүхт Сүхбаатар аймгийг төрийн дээд шагнал Сүхбаатарын одонгоор шагнасныг Монгол Улсын Ерөнхийлөгч У.Хүрэлсүх гардуулав.
Тэрбээр, 70 жилийн ойгоороо Хөдөлмөрийн гавъяаны улаан тугийн одонгоор шагнууж байсан бол өдгөө 10 жилийн дараа буюу түүхт 80 жилийн ойгоороо ийнхүү төрийн дээд шагнал Сүхбаатарын одонгоор шагнагдаж байгаа өвөг дээдсийн өлгий нутгийн нийт иргэддээ халуун баярыг хүргэж, түүхэн ойн баярын мэнд дэвшүүлж буйгаа энэ үеэр тодотгов.
1942 онд Ардын их
хурлын шийдвэрээр Дорнод аймгаас 10, Хэнтий аймгаас дөрвөн сум, 128 багийг
салган нэгтгэж Маналын хийдийн туурин дээр Жавхлант шарга нэртэйгээр
байгуулагдаж байсан түүхтэй. Тухайн үед 843 өрх, 29,1 мянган хүн ам, 840 мянган
малтай байсан бол өдгөө хүн ам хоёр дахин, мал сүрэг тав дахин өсчээ. 80 жилийн
хугацаанд Монгол Улсын шилдэг аймгаар дөрөн удаа шалгарч, ДНБ 591,1 тэрбум нэг
хүнд ноогдох ДНБ 9,2 саяд хүрсэн нь өмнөх оноос 23,8 хувиар өсчээ.
Ийнхүү Тулгар төрийн 2230,
2231, Дэлхийн дайдад Их Монгол Улсыг зарлан тунхагласны 815,Үндэсний их баяр наадам, Ардын хувьсгалын 100, 101 жилийн ой, Ардчилсан хувьсгалын 30, 31 жилийн ой, Сүхбаатар аймаг үүсч байгуулагдсаны 80 жилийн түүхэн ой, “Зүүн бүсийн хурд”
-2022, баяр наадам ийнхүү эхэллээ. 7 дугаар сарын 28-ны энэ өдөр сонгомол гурван насны
хурдан морины уралдаанаар баяр наадам үргэлжилж байна.
